Инновациялық орталық халықаралық форумда тәжірибесімен бөлісті

2026 жылғы 4 сәуірде Алматы қаласында IV Халықаралық педагогикалық форум өтті. Форумға Бали,  Ресей, Өзбекстан, Қырғызстан және Қазақстанның барлық өңірлерінен педагогтер қатысты.

Инновациялық орталық ақпараттық серіктес ретінде көшбасшылықты дамытуға бағытталған көп сатылы кадрлық саясат жобаларын іске асыру тәжірибесін ұсынды. Форум барысында білім берудің ең өзекті тақырыптары бойынша шексіз коммуникациялар интерактивті форматта жүргізілді.

Орталықтың әдіскері Роза Сүлейман форумға қатысты пікірін білдірді: «Алматыдағы форум біз үшін кәсіби тәжірибе алмасудың жаңа деңгейін көрсетті. Әріптестеріміздің ұсыныстары мен пікірлері білім беруді дамытудағы жаңа бағыттарды айқындауға көмектесті. Мұндай халықаралық диалогтар педагогтердің кәсіби дамуына және білім сапасын арттыруға нақты ықпал етеді.»

Алматы қаласында өткен IV Халықаралық педагогикалық форум білім беру саласындағы ынтымақтастықты нығайтып, педагогтердің кәсіби әлеуетін арттыруға бағытталған маңызды алаңға айналды. Павлодар облысының Білім беруді дамытудың инновациялық орталығы өз тәжірибесімен бөлісе отырып, халықаралық деңгейде білім беру көшбасшылығын дамытуға үлес қосты.